Milliy qadriyatlar — millat yuzi, qalb shuuridir. Vohamiz qadriyatlar beshigi sanaladi. Muxtaram Prezidentimiz Shavkat Mirziyoev Surxandaryoga tashrifi chog‘ida qorabayirchilik, do‘mbira, do‘ppi kabi milliy qadriyatlarimizni rivojlantirish borasida alohida ta’kidlab o‘tgan edilar.
Qumqo‘rg‘on tumani 2-sektor hududi 39-umumta’lim maktabida “ Milliy qadriyatlarimiz farzandlarimiz qalbida e’zozda” shiori ostida katta ma’naviy-ma’rifiy tadbir tashkil etildi.
Tadbirda tumandagi 82 ta umumta’lim maktabi jamoasi tomonidan milliy qadriyatlarimiz, urf-odatlarimizni o‘zida mujassam etgan ko‘rgazmali burchaklar tashkil etilib, tashabbus doirasida milliy kiyimda do‘ppi kiygan o‘g‘il-qizlar tomonidan do‘mbira sadolari ostida turli chiqishlar namoyishi bo‘lib o‘tdi. Yuqori saviyada o‘tkazilgan tadbirda tuman hokimi R.Gapparov va sektor rahbarlari qatnashdilar.
© Qumqo‘rg‘on tumani hokimligi veb-saytlari 2024
5 izoh