Туман ҳокими ёшлар билан учрашувда мамлакатимизда ёшларни касб-ҳунарга ўргатиш, бандлигини таъминлаш борасида кенг кўламли ишлар олиб борилаётганлигини таъкидлаб, ушбу йўналишда туманимизда амалга оширилган ишлар ҳақида маълумот берди. 

Қумқўрғон туман тиббиёт бирлашмасида туман ҳокими Анвар Нормаматов, туман ҳокимининг ўринбосари Нормўмин Алланазаров, тиббиёт бирлашмасига бириктирилган куратор-Вилоят тери-таносил диспансери бош врачи Қудрат Хакимов ва туман тиббиёт бирлашма бошлиғи Норали Хидаевлар иштирокида марказий шифохонаси атрофида жойлашган дорихона ходимлари ва туман тиббиёт бирлашмаси шифокорларига йиғилиш бўлиб ўтди.

Маҳаллаларда хотин-қизлар фаоли ишини самарали ташкил этиш ҳамда оила ва хотин-қизлар билан ишлаш, намунавий тизим яратиш бўйича ўқув семинар бўлиб ўтди.

Унда Оила ва хотин-қизлар қўмитаси вакили Н.Тошқулова, туман ҳокимининг ўринбосари-оила ва хотин-қизлар бўлими бошлиғи Нигора Жумаева, 61 нафар маҳалла хотин-қизлар фаоллари ва ҳамкор ташкилотлар вакиллари иштирок этди.

Қумқўрғон туманида ёшлар муаммоларини ўрганиш мақсадида ўтказилган хатловда маҳаллаларда истиқомат қилаётган ёшларнинг яшаш шароитига кўра тоифаларга ажратган эди.

Ҳозирда ёшларга ҳар томонлама кўмак кўрсатиш учун тоифаларга киритилган ёшлар тумандаги масъул раҳбарларга бириктирилган. Улар томонидан ёшларнинг доим равишда холидан хабар олиниб, муаммоларини ҳал этишда амалий ёрдам кўрсатилмоқда.

Ўзбекистон Республикаси Президентининг 2022-йил 30-декабрдаги  “2022-2023 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлар тўғрисида”ги ПҚ-465-сонли қарорига асосан Қумқўрғон тумани "Ғалаба" маҳалласида жойлашган Мактабгача таълим ташкилоти биноси қайта таъмирланиб, фойдаланишга топширилди.