Қумқўрғон туман ҳокими, туман прокурори ташаббуси билан хотин -қизлар ўртасида велоспорт бўйича марафон ўтказилди.

"Алпомиш" спорт ўйингоҳида ташкил этилган веломарафонда иштирокчилар жами 5 километр масофани босиб ўтишди.

Унда 30 ёшдан катталар ўртасида 1-ўринни "Мустақиллик" маҳалласидан Ойгул Авазова, 2-ўринни "Пахтабод" маҳалласидан Гулфия Қобилова, 3-ўринни "Элобод" маҳалласидан Шоира Туроповалар эгаллашди.

30 ёшгача бўлганлар ўртасида эса 1- ўринни "Дўстлик" маҳлласидан Орзигул Очилова, 2-ўринни "Янгиер"маҳалласидан Матлуба Болтаев, 3-ўринни "Боғаро" маҳалласидан Зухра Бекқуловалар қўлга киритишди.

Туман маҳалла ва оилани қўллаб-қувватлаш бўлими бошлиғининг ўринбосари Салима Валиева ғолибларга диплом ва пул мукофотларини топширди.

Қумқўрғон тумани Агросаноат техникумида ҳоким ёрдамчилари фаолиятини самарали ташкил этиш мақсадида ўқитилаётган семинарга Ўзбекистон Республикаси Президенти ҳузуридаги Давлат бошқаруви академияси ўқитувчиси Жасурбек Эштемиров келди.

Ҳоким ёрдамчиларига бир қатор муҳим иқтисодий масалаларни ҳал этишга қаратилган, фаолият йўналишларида белгилаб берилган асосий вазифалар бўйича тушунчалар берди.

Шунингдек, семинарда Қумқўрғон туман пенсия жамғармаси бўлим бошлиғи А.Жумаевнинг "Аҳолини ижтимоий ҳимоя қилиш ҳамда кам таъминланган оилаларни қўллаб-қувватлаш чора-тадбирлари тўғрисида"ги маърузаси ҳам тингланди.

Ўқув машғулотлари давом этмоқда.

 Хусусан, Қумқўрғон туманидаги 3-сонли умумтаълим мактабида фан ойлиги муносабати билан туман семинари ташкил этилди.

Семинарда тарих, Давлат ва ҳуқуқ асослари ҳамда тарбия фанларидан очиқ дарслар о'тгазилди.

Семинарда вилоят халқ таълими бошқармасининг ижтимоий фанлар методисти Т.Жабборов, И.Боймуратовлар бошчилигида Олтинсой, Шўрчи, Жарқўрғон туман халқ таъилими бўлимларининг ижтимоий фанлар методистлари ҳам иштирок этдишди.

Очиқ дарслар ялпи йиғилишда таҳлил қилиниб, муносиб деб топилган дарслар туман миқёсида оммалаштиришга тавсия этилди.

Тадбир сўнггида шу мактабнинг иқтидорли ўқувчилари томонидан тайёрланган саҳна кўриниши ва рақслар барчани мамнун этди.

Маълумки, БМТнинг 2015 йил 10 июндаги “2020 йилда аҳоли
ва уй-жой фондини рўйхатга олиш борасидаги принциплар
ва тавсиялар” резолюцияси қабул қилинган ва унга асосан, БМТга аъзо давлатлар ҳар ўн йилда камида бир марта аҳолини рўйхатга олишни ўтказиши белгилаб қўйилган. Айни пайтда, МДҲ давлатларида бу жараёнга тайёргарлик бошланган. 2019 йилнинг октябрь ойида Озарбайжон ва Беларусь давлатларида аҳолини рўйхатга олиш тадбири ўтказлди. Жорий йилда Арманистон, Россия, Украина, Қозоғистон, Қирғизистон, Тожикистон давлатларида мазкур тадбирни ўтказиш режалаштирилган.

Мамлакатимизда мустақиллик йилларида ҳали бирор марта аҳолини рўйхатга олиш ўтказилмаган. Ушбу тадбир сўнгги бор собиқ иттифоқ даврида 1989 йилда ўтказилиб, ўша пайтда юртимиз аҳолиси
19,7 миллион кишини ташкил этган.

Амалдаги жорий ҳисобга кўра, 2020 йилнинг 1 январь ҳолатига кўра республикамиз доимий аҳолиси сони 33 905,8 минг кишини ташкил этиб, шундан шаҳар аҳолиси сони 17 118,4 минг кишини (жами аҳоли сонига нисбатан 50,5 %), қишлоқ аҳолиси сони 16 787,4 минг кишини (49,5 %) ташкил этади.Жами аҳолимизнинг 50,2 % ни эркаклар (17036,1 минг киши), 49,8 % ни аёллар (16869,7 минг киши) ташкил этади.

2019 йил давомида республика бўйичатуғилганболалар сони
815,9 минг нафарни, вафот этганлар 155,0 минг кишини ташкил этган.

Республика ҳудудлари кесимида, 2020 йил 1 январь ҳолатига кўра энг кўп аҳоли сони Самарқанд вилоятида 3878,0 минг кишини (республика жами аҳолиси сонидаги улуши 11,4 %), Фарғона вилоятида 3752,0 минг кишини (11,1 %) ва Қашқадарёвилоятида3280,1мингкишини(9,7 %)ташкил этди.

Қумқўрғон туман статистика бўлими

Қумқўрғон туман прокурорининг ташаббуси билан туман бандликка kўмаклашиш маркази билан ҳамкорликда жорий йилнинг 24 декабрь куни 2-секторда меҳнат ярмаркаси ўтказилди.

Унда 31 та ташкилот ўзларининг 255 та бўш иш ўринлари билан қатнашиб, ярмарка давомида 2 нафар ёшлар ҳамда 2 нафар ишсиз фуқароларга ишга жойлашишлари учун йўлланмалар берилди.

Бундан ташқари, 2 нафар темир дафтардаги оилалар, 2 нафар аёллар ҳамда 1 нафар ёшларга тикув машинкалари берилиб, уларнинг даромад олишлари учун амалий ёрдам кўрсатилди.