Қумқўрғон тумани ҳокимлиги
СЕКТОР РАҲБАРИ АҲОЛИ МУАММОЛАРИНИ ЎРГАНДИ

Қумқўрғон туман ИИБ бошлиғи, 3-сектор раҳбари Н.Нарзуллаев "Исломобад" маҳалласида “Хонадонбай” юриб, аҳолининг турмиш тарзи билан яқиндан танишди, муаммоларини ўрганди.

Сектор раҳбари маҳалланинг ички имкониятларидан фойдаланиб, аҳолининг шаклланган меҳнат кўникмасидан келиб чиқиб, ҳунармандчилик, томорқа ва иссиқхона хўжалиги, паррандачилик билан шуғулланиш борасида керакли тавсияларни бериб ўтди.

 

55
0

Фуқаролик ишлари бўйича Қумқўрғон туманлараро судининг раиси Ўктам Мамадиев томонидан Қумқўрғон тумани аҳоли бандлигига кўмаклашиш марказида давра суҳбати ўтказилди.

Ўтказилган давра суҳбатида меҳнат муносабатларидан келиб чиқадиган низоларнинг судда кўрилиши масаласига эътибор қаратилди. Хусусан, иш берувчи ва ходимлар ўртасида келиб чиқадиган низоларни судда кўрилиши, ходимлар ноқонуний ишдан бўшатилганда суд томонидан ўз ишига тикланганлиги ҳолатлари ҳақида, иш берувчи ва ходимлар қайси қонун нормаларига эътибор қаратиши лозимлиги хусусида тушунтиришлар берилди.

Шунингдек, йиғилиш иштирокчиларини қизиқтирган, алимент, мерос ва бошқа оилавий низолар бўйича берилган саволларга суд раиси томонидан жавоблар берилди.

69
0

БОЙМОҚЛИДА АРЗОНЛАШТИРИЛГАН САВДО ЯРМАРКАСИ ТАШКИЛ ЭТИЛДИ.

Қумқўрғон тумани 2-сектор ҳудуди “Боймоқли" маҳалласида туман прокуратураси ташаббуси билан арзонлаштирилган савдо ярмаркаси ташкил этилди.

Янги йил байрами олди, мазкур ярмарка ушбу ҳудуд аҳолиси учун қишлоқ хўжалиги ва озиқ-овқат маҳсулотлари ҳамёнбоп нархларда сотиб олиш имконини берди.

Бу каби ташаббуслар аҳолига арзон ва сифатли маҳсулотларни етказиш билан бирга нархларнинг сунъий ва асоссиз равишда оширилишига йўл қўймасликка олиб келмоқда.

 

65
0

ВИЛОЯТ ҲОКИМИ ЧЎПОНЛАР ҲОЛИДАН ХАБАР ОЛДИ

Қиш мавсуми чорвадорлар учун синовли давр. Айниқса, ноқулай об-ҳаво шароити чўпонларга турли қийинчиликларни юзага келтиради.

Вилоят ҳокими Тўра Боболов Қумқўрғон туманининг чекка ҳудудида жойлашган “Саховат” маҳалласида бўлиб, чорвадорлар ҳолидан хабар олди.

“ Боботоғ сури” насилчиликка ихтисослашган қўракўлчилик МЧЖга қарашли 77 нафар чўпонларга иссиқ кийимлар, озиқ-овқат маҳсулотлари ҳамда чорва моллари учун тўйимли озуқа (арпа) маҳсулотлари етказиб берилди.

Вилоят ҳокими чўпонлар билан самимий суҳбатлашиб, уларни қийнаётган муаммоларни ўрганди.

Чорвадорлар қишловни беталофат ўтказиши жуда муҳим. Сурхон воҳасида “Боботоғ сури” насилчиликка ихтисослашган қўракўлчилик МЧЖ миллий бойлигимиз бўлган қоракўл териларини етиштириб беришда етакчилардан саналади.

 

 

63
0

Қумқўрғон туманида 2021 йилнинг ўтган 11 ойи давомида:

▪️ “Термез Жайҳун Кластер” МЧЖ ҳамда Швейцариянинг RITER компанияси ҳамкорлигида туманда қиймати 35 млн. долларлик тўқимачилик мажмуаси фаолияти йўлга қўйилмоқда. Йигирув, трикотаж, тўқув ва мато бўяшни ўз ичига оладиган мажмуада келгусида 1750 нафар фуқаронинг бандлиги таъминланади. Ҳозирда мажмуа қурилиши учун 6 гектар ер майдони ажратилган, қурилиш ишлари 2022 йилдан бошланади.
▪️ “Дўстлик” МФЙ ҳудудида лойиҳа қиймати 9 млрд. 342 млн. сўмлик 2 та 5 қаватли 60 хонадонли арзонлаштирилган уй-жойлар қурилди;
▪️ Мактабгача таълим ташкилотлари сони 128 тага етказилиб, 3-7 ёшгача бўлган болаларнинг қамров даражаси 43,5 фоизга оширилди. Йил якунига қадар яна 6 та МТТ фойдаланишга топширилиб, қамров даражаси 45 фоизга етказилади;
▪️ 64-сонли мактаб учун 300 ўринли, 69-сонли мактаб учун 176 ўринли қўшимча бинолар қурилди. 17- ҳамда 27-сонли умумтаълим мактаблари бинолари мукаммал таъмирдан чиқарилди.

47
0
Барчаси: 295 та
Рўйхатдан ўтиш
2 та фойдаланувчи ҳозир сайтда
Сайт ҳақида фирингиз?

Ўзбекистон Республикаси герби    Ўзбекистон Республикаси байроғи   Ўзбекистон Республикаси мадҳияси