Қумқўрғон туманида эрта тонгдан байрам шукуҳи ила тонг ёришди. Наврўзни соғинган қалблар "Ёшлар" истироҳат боғида жам бўлишди. Туман аҳли учун қадимий ва навқирон бўлган, Наврўз байрамини кўтаринки руҳда ўтказиш учун миллий қадриятларимиз ўзида акс этган ўтовлар, миллий таомлар кўргазмаси, турли ҳил спорт мусобақалари, севимли санъаткорларнинг куй-қўшиқлари байрам тароватини оламга ёйди.

Туман ҳокими Рахматулла Гаппаров ва сектор раҳбарлари сайл иштирокчиларини, туман аҳлини янгиланиш ва яшариш байрами Наврўз билан муборакбод этди.

Туманидаги корхона, ташкилот, муассасалар, умумтаълим мактаблари, мактабгача таълим ташкилотлари тиббиёт муассасалари, маҳаллалар, фермерлар ва тадбиркорлар томонидан тайёрланган махсус бўлимларда Наврўз байрамининг ўзиги ҳос жихатлари, миллий урф-одатларимиз бетакрор қадриятларимизни, турли кўргазмалар ва сахна кўринишлари орқали намойиш этилди.

Баҳор келиши билан бободеҳқонларимиз халқимиз дастурхоннинг тўкинлиги учун яхши ният билан ерга уруғ қадайди. Кекса нуронийларимиз эса қўлларини дуога очиб, ризқимизга барака сўрашади.

Қумқўрғон туман ҳокими Рахматулла Гаппаров ташаббусига кўра, халқимизнинг ризқи бўлган пахта-2021 мўл ҳосили учун чигит экиш олдидан, 35 нафар ёши улуғ инсонларни ҳурматлаб, эъзоз-икром кўрсатиб, муқаддас қадамжолар зиёратига юборилди.

Нуроний-фахрийлар аввал, Шеробод туманидаги Исо-Ат-Термизий зиёратгоҳида бўлишди, ундан сўнг Самарқанд ва Бухоро шахридаги муқаддас қадамжоларни зиёрат қилишди. Кексаларимиз зиёрат давомида юртимизнинг ризқ-рўзи учун кўпдан-кўп дуо қилиб қайтишди

“Маҳаллабай” ишлаш тизимини йўлга қўйиш мақсадида Қумқўрғон туманида 2021 йил 13-14 март кунлари тўртта сектор котиблари, тижорат банклари, маҳалла раислари ва маҳалла раиси ўринбосларининг малакасини ошириш учун Давлат бошқаруви академияси профессор-ўқитувчилари томонидан ўқув семинари бўлиб ўтди.

Қумқўрғон тумани "Мурувват уйи"да тарбияланувчи 110 нафар имконияти чекланган болалар Туман Тиббиёт Бирлашмаси шифокорлари томонидан чуқурлаштирилган тиббий кўрикдан ўтказилди.

Хабар берган эдик, Қумқўрғон туманида ижтимоий ҳимояга мухтож аёлларни қўллаб-қувватлаш, "Темир дафтар"га киритилган хотин-қизларнинг бандлигини таъминлаш орқали, уларни "Темир дафтар" дан чиқариш мақсадида бир гуруҳ аёлларга тикув машиналари топширилган эди.

"Пахтабод" маҳалласи фуқароси Гулошд Қўлдошова қандолатчилик ва тикувчилик билан шуғилланиши учун совға қилинган электр печи ҳамда тикув мошинасидан унумли фойдаланиб, бугун ўз тадбиркорлигини бошлаб юборди. Бу билан Гулшод опа нафақат ўзи балки яна 4 нафар аёлларнинг бандлигини таъминланишни режалаштирган.