Қумқўрғон тумани ҳокимлиги
Қумқўрғон туманида “Аёллар дафтари” билан ишлаш борасида амалга оширилаётган ишлар хусусида матбуот анжумани бўлиб ўтди.
Қумқўрғон туманида “Аёллар дафтари” билан ишлаш борасида амалга оширилаётган ишлар хусусида матбуот анжумани бўлиб ўтди.

Қумқўрғон туман ҳокими Рахматулла Гаппаров ОАВ вакиллари ва ижтимоий тармоқ фаолларига туманда “Аёллар дафтари” га киритилган фуқароларни ҳар томонлама қўллаб-қувватлаш ва аёллар бандлигини таъминлаш борасидаги ишлар бўйича ахборот берди. Туманда 3082 нафар хотин-қизлар "Аёллар дафтари"га киритилган бўлиб, шундан, 1816 нафар хотин-қизлар ёрдамлар кўрсатилди. Жумладан, 400 нафар - Касб-ҳунарга ўқитиш орқали бандлигига кўмаклашилди. 71 нафар - Тадбиркорлик қилши учун кредит олишда амалий ёрдам кўрсатилиб, 1 миллиард 655 миллион 348 минг сўм кредит маблағлари ажратилди. 61 нафар аёлларга иссиқ хона ва паррандачилик учун 282 миллион сўм кредит олишда амалий ёрдам кўрсатилди. 963 нафар аёлларга бир марталик моддий ёрдам ( пул маблағлари) берилди.

Матбуот анжуманида ОАВ вакиллари ўзларини қизиқтирган саволларга батафсил маълумотлар олишди.

Болалар мусика ва санъат мактаб ўқувчилари вилоят босқичида
Болалар мусика ва санъат мактаб ўқувчилари вилоят босқичида

Болалар мусика ва санъат мактаблари ўқувчилари ўртасида ўтказилган "Болалар мусиқа ва санъат мактаблари ансамбллари, оркестрлари ва жамоа ижрочилиги Республика кўрик-танлови"нинг Шўрчи туманида ўтказилган вилоят босқичида туманимиздаги 11-Болалар мусиқа ва санъат мактабининг анъанавий хонандалар ансамбли ва рақс жамоаси фахрли 2 ўринни қўлга киритишди. Халқ чолғулари ансамбли фахрли 1-ўринни эгаллаб ушбу танловнинг Республика босқичига йулланма олишди.

"АЁЛЛАР ДАФТАРИ" ВА "ЁШЛАР ДАФТАРИ" ГА КИРИТИЛГАН ФУҚАРОЛАР МУРОЖААТЛАРИ ЖОЙИДА ИЖОБИЙ ҲАЛ ЭТИЛМОҚДА

Қумқўрғон тумани "Арсланбойли" маҳалласида яшовчи фуқаро Мелибоева Сарвиоз шу кунга қадар ишсиз эди. Тикувчилик ҳунари бўлсада, тикув мошинаси олиш имкони бўлмаган Сарвиноз "Боймоқли" маҳалласида ўтказилган "Ҳоким ва ёшлар"учрашувида туман ҳокими Рахматулла Гаппаровга тикув мошинаси олиб, ўзини ўзи банд қилиш истагини билдирди. Унинг мурожаати ижобий ҳал этилиб, учрашувнинг ўзидаёқ Сарвиноз Мелибоева 2 дона тикув машинасига эга бўлди.

Қумқўрғон тумани 2- сектор ҳудудига қарашли “Боймоқли” МФЙда “Ёшлар дафтари” ва “Аёллар дафтари” киритилган фуқаролар билан учрашув бўлиб ўтди.

Мазкур учрашувда ёшлар ва аёллар томонидан 52 та мурожаат келиб тушган бўлса, ўртага ташланган мурожаатларнинг аксариятига шу ернинг ўзида ижобий ечим топилди.

ЯНА БИР МАҲАЛЛА БИНОСИ ЯНГИДАН ҚУРИЛИБ, ФОЙДАЛАНИШГА ТОПШИРИЛДИ
ЯНА БИР МАҲАЛЛА БИНОСИ ЯНГИДАН ҚУРИЛИБ, ФОЙДАЛАНИШГА ТОПШИРИЛДИ

Қумқўрғон туманида амалга оширилаётган эзгу ташаббуслардан бири, ўз биносига эга бўлмаган маҳалла фуқаролар йиғинларига янги биноларни қуриб, фойдаланишга топширилишидир.

Туманидаги "Бўстон" маҳалласининг янги биноси қад ростлади. Ушбу масканнинг очилиш тадбирда тумани ҳокими Рахматулла Гаппаров иштирок этди.

Маҳалла аҳлининг муаммо ва таклифлари билан биринчи эшик қоқиб борадиган макони маҳалла ҳисобланади. Шу боисдан бугунги кунда туманда ўз биносига эга бўлмаган маҳаллаларда маҳалла бинолари янгидан қурилиб, аҳолига топширилмоқда.

Маҳалла биноси зарур бўлган барча мебел жихозлари билан таъминланган. Кенг ва ёруғ хоналари эса маҳаллага ташриф буюрган ҳар бир фуқаронинг кайфиятини кўтариш билан бирга, мурожаат билан келган фуқароларга қулайлик яратади.

Маълумот ўрнида айтиш жоиз," Бўстон" маҳалласида 4897 нафар аҳоли истиқомат қилиб, 886 та хонадон ва 1116 та оилалар мавжуд.

Бугунги кунга қадар, туман ҳокимининг ташаббуси билан 6 та маҳалла бинолари янгидан қурилиб, фойдаланишга топширилган эди. Туманда бу каби хайрли ишлар давом этмоқда.

"ҲОКИМ ВАЁШЛАР УЧРАШУВИ" ДОИРАСИДА ТАЪМИНОТЧИ ТАШКИЛОТЛАР ЯРМАРКАСИ ТАШКИЛ ЭТИЛДИ

Қумқўрғон тумани 1- сектор ҳудудига қарашли "Янгиер" маҳалласида ёшлар билан очиқ, самимий мулоқат бўлиб ўтди. Учрашувда туман ҳокими Рахматулла Гаппаров, Ўзбекистон Республикаси Агробанк бошкарув раиси ўринбосари Абдимухтор Эргашев, Халқ қабулхонаси туман бўлими мудири Рустам Тўхтаев, 20 та маҳалла фуқаролар йиғини раислари, туман тижорат банклари бошлиғлари, туман корхона ва ташкилот раҳбарлари ҳамда чорвачилик, иссиқхона, парандачилик, қуёнчилик ва бошқа йўналишлар бўйича 16 нафар таъминотчилар иштирок этишди.

  

 

 

 

 

 

 

 

 

 

Учрашувда ёшлар ўзларини қизиқтирган масалалар, ташвишга солаётган муаммолари юзасидан мурожаат қилиб, саволларига амалий жавоблар олишди.

Эътиборли томони шундаки, ўз тадбиркорлигини бошлаш истагида бўлган ёшларнинг ортиқча сарсонгачиликларининг олдини олиш мақсадида таъминотчи корхоналар томонидан ярмарка ташкил этилиб, ёшлар шу ернинг ўзида ҳам тижорат банклари билан, ҳам таъминотчилар билан тўғридан-тўғри мулоқот қилиш имкониятига эга бўлишди.

- Мен "Навбаҳор" маҳалласида яшайман, анчадан буён чорвачилик билан шуғилланиш мақсадида кредит олмоқчи бўлиб юрган эдим,-дейди Ноила Менглибоева. Туман ҳокимига бу борада қилган мурожаатим шу ернинг ўзида ижобий ҳал этилди.

Амалий натижаларга бой бўлган бу каби учрашувлар орқали ёшлар манфаатини таъминлаш билан, эртанги ёруғ кунимизга замин яратилиши, шубҳасиздир.

Барчаси: 295 та
Рўйхатдан ўтиш
1 та фойдаланувчи ҳозир сайтда
Сайт ҳақида фирингиз?

Ўзбекистон Республикаси герби    Ўзбекистон Республикаси байроғи   Ўзбекистон Республикаси мадҳияси