Қумқўрғон тумани “Юксалиш”, “Имомтепа”, “Қарсоқли” маҳаллаларида яшовчи тадбиркор ва ҳайдовчилар томонидан 10 нафар эҳтиёжманд оила фарзандларнинг суннат тўйлари ўтказиб берилди.

Тадбирда маҳалла нуронийлари ва бошқалар сўзга чиқиб, инсон манфаатлари амалда қадр топган мамлакатимизда савобли ва хайрли ишлар янада кўпайиб бораётганини таъкидлаб, тўй болаларга Ватан корига ярайдиган камарбаста инсонлар бўлишларини тилашди.

Ҳомийлар томонидан тўйболаларнинг ҳар бирига велосипед топширилди.

Туманимизда ижод қилаётган саноткорлар ижросидаги куй-қўшиқлар, даврага байрамона файз ва шукуҳ бағишлади.