Қумқўрғон тумани “Нефтчилар” маҳалласи ҳудудида эҳтиёжманд аёлларни арзон уй-жойлар билан таъминлаш мақсадида 50 та хонадонли, кўп қаватли ижтимоий турар жой биноси қурилиши бошланиши муносабати билан тадбир бўлиб ўтди.

Турар-жойнинг сифатли қурилиши, бу ерда истиқомат қилувчилар учун барча зарур шароитларни яратиш, хонадонлар ҳақиқий эҳтиёжманд хотин-қизлар берилиши лозимлиги таъкидланди.

Қурилиш ишларига жалб қилинган махсус техникалар ёрдамида турар-жой биносининг ер ишлари бошланди.

Ўтказилган тадбирда вилоят ҳокими Улуғбек Қосимов, туман ҳокими, давлат ва жамоат ташкилотлари вакиллари ҳамда нуронийлар иштирок этишди.