Ёши улуғ инсонларни  ижтимоий қўллаб-қувватлаш, уларнинг жамиятдаги ўрнини янада мустаҳкамлаш, саломатликларини муҳофаза қилиш мақсадида Қумқўрғон  туман Маҳалла ва оилани қўллаб-қувватлаш бўлими, туман "Маҳалла"хайрия жамоат фонди ҳамда   туман Тиббиёт бирлашмаси билан ҳамкорликда маҳаллаларда яшовчи кекса авлод вакиллари  чуқурлаштирилган тиббий кўрикдан ўтказилди.

Туман Тиббиёт бирлашмаси шифокорлари томонидан  кексалар тиббий кўрикдан ўтказилиб,  керакли тавсиялар берилди. Шунингдек, уларнинг соғликларини тиклаш учун зарур бўлган дори-дармон маҳсулотлари бепул тарқатилди.